Bul jaıynda Úkimet otyrysynda Ulttyq ekonomıka mınıstriniń birinshi orynbasary Tımýr Jaqsylyqov málim etti.
«Ekonomıkanyń neǵurlym basym salalarynda «Qarapaıym zattar ekonomıkasy» baǵdarlamasy sheńberinde nesıeleý merzimin uzartý týraly másele pysyqtalýda, dep habarlaıdy Almaty-akshamy.kz QazAqparatqa silteme jasap.
«Agrarlyq-ónerkásip kesheni jáne óńdeý ónerkásibi salalaryndaǵy 15 basym qyzmet túrleri boıynsha 7 jylǵa deıin kredıt berý usynyldy.
Memlekettik qoldaý sharalaryn usyný sharttaryna ózgerister engizý sheńberinde memlekettik syıaqy mólsherlemesiniń sýbsıdıalanatyn bóligin bekitýge kóshý kózdelgen», - dedi Tımýr Jaqsylyqov.
Aıtýynsha, bul shara aıasynda túpkilikti qaryz alýshy úshin syıaqy mólsherlemesin dıfferensıasıalaý kózdelgen.
«Memleket basshysynyń ákimdikterdiń fýnksıonaldyǵyn qamtamasyz etý jáne halyq úshin neǵurlym mańyzdy máseleler boıynsha úılestirýdi kúsheıtý týraly tapsyrmasyn iske asyrý úshin óńirler ákimderi orynbasarlarynyń sanyn qoldanystaǵy sanyna 1 birlikke ulǵaıtý usynylady. Bul rette bastama jergilikti atqarýshy organdardyń qyzmetin qarjylandyrý úshin ornatylǵan lımıtter sheńberinde júzege asyrylady», - dedi Tımýr Jaqsylyqov.