QMA Almaty qalasy boıynsha departamenti "Eńbek resýrstaryn damytý ortalyǵy" AQ jáne "Birinshi kredıttik búro" JSHS laýazymdy tulǵalaryna qatysty iri kólemde para alý jáne para berý deregi boıynsha sotaldy tergeýdi bastady, - dep habarlaıdy aqshamnews.kz.
Tergeý barysynda "Birinshi kredıttik búro" JSHS basshylyǵy qarjy uıymdarynyń suranystaryn óńdeýge aqparattyq qyzmet kórsetý kezinde "Eńbek resýrstaryn damytý ortalyǵy" AQ basshylyǵyna júıeli túrde zańsyz syıaqy bergeni anyqtaldy.
28 maýsymda Almaty qalasy boıynsha Ekonomıkalyq tergep-tekserý departamentiniń qyzmetkerleri jedel izdestirý is-sharalaryn ótkizgen. Osy kezde 75 myń AQSH dollary kólemindegi para berý kezinde birneshe adam ustalǵandar:
- R.Omarov – "Birinshi kredıttik búro" JSHS-niń bas dırektory,
- A.Sarbasov – "Eńbek resýrstaryn damytý ortalyǵy" AQ-nyń basshysy, buǵan deıin Eńbek jáne halyqty áleýmettik qorǵaý mınıstrliginiń birinshi vıse-mınıstri qyzmetin atqarǵan;
- D.Arǵandyqov – "Eńbek resýrstaryn damytý ortalyǵy" AQ-nyń burynǵy basshysy, buryn densaýlyq saqtaý jáne áleýmettik damý vıse-mınıstri qyzmetin atqarǵan.
Kúdiktilerdiń turǵylyqty jerin tintý barysynda 370 myń AQSH dollary jáne 4,5 mln teńge kólemindegi aqsha tárkilendi. 30 maýsymda sot sanksıasymen A.Sarbasovqa, R.Omarovqa jáne D.Arǵandyqovqa 2 aı merzimge qamaýǵa alý túrindegi bultartpaý sharasy qoldanyldy. Tergeý jalǵasyp jatyr.