Memleket basshysy Qasym-Jomart Toqaev kólík mınıstrí Nūrlan Sauranbaevty qabyldady, - dep habarlaıdy aqshamnews.kz.
Kezdesu barysynda elímízdíń kólík-tranzıt áleuetín odan árí arttyru sharalary talqylandy.
Qasym-Jomart Toqaev Qazaqstan aumaǵy arqyly júk tasymalyn ūlǵaıtu úshín avtomobıl joldary men avıahabtar jelísín belsendí damytu mańyzdy ekeníne nazar audardy. Sonymen qatar temírjol salasyndaǵy auqymdy ınfraqūrylymdyq jobalardy uaqtyly júzege asyru máselesíne aıryqsha mán beríldí.
Kólík-logıstıka sektorynyń ÍJÓ-degí úlesín ūlǵaıtu maqsatynda mınıstrge kedergí keltíretín faktorlardy saraptap, salany damytu tásílderín qaıta qarau míndetí júkteldí.
Memleket basshysy kólík dálízderíníń ótkízu múmkíndígín keńeıtíp, Qazaqstannyń Eurazıyadaǵy negízgí sauda-logıstıka toraby retíndegí rólín nyǵaıtu úshín jan-jaqty árí tıímdí sharalar qabyldaudy tapsyrdy.