127 atys qarýy men 4 077 oq-dári tárkilendi
Almatyda terorızmge qarsy operasıa bastalǵaly beri 2 601 adam ustaldy. Bul týraly Almaty qalasy komendatýrasynyń aqparattyq ortalyǵy málim etti, dep habarlaıdy Almaty-akshamy.kz.
Komendatýra málimetinshe, arnaıy operasıa barysynda Almatyda lańkestik, tonaý jáne basqa da qylmystardyń 2 601 qatysýshysy ustaldy. 127 atys qarýy men 4 077 oq-dári tárkilendi.
«Ótken táýlikte «102» púltine 329 habarlama kelip tústi. Komendatýranyń koll-ortalyǵyna azamattardan jedel áreket etýdi talap etetin 48 dabyl qabyldandy. Barlyq habarlama der kezinde óńdeldi», - deıdi Almaty qalasy komendatýrasynyń resmı ókili Saltanat Ázirbek.
Sonymen qatar, ol turǵyndardy komendant saǵatyn buzbaýǵa shaqyrdy.