Megapolıs aýmaǵynda barlyǵy 603 saılaý ýchaskesi jumys istep jatyr.
Dástúr boıynsha daýys berý pýnktteriniń jumysy Ánuranmen bastaldy. Al alǵashqy daýys berýshilerdi arnaıy daıyndalǵan syılyqtarmen qarsy aldy. Qazir saılaý ýchaskelerinde kóńildi áýen oınap, jármeńkeler jumys istep jatyr.
«Men alǵash ret ata-anammen saılaýǵa kelgenim esimde. Sol bala kezimnen saılaýdyń mańyzdylyǵyn túsinip óssem, qazir ózim de ulymdy ertip keldim", – deıdi №21 ýchaskede daýys bergen almatylyq Konstantın.
Qazir «Búkil otbasymen daýys beremiz» aksıasy qalanyń barlyq aýdandarynda ótýde. Qatysýshylardyń pikirinshe, bul - patrıotızmniń naqty kórinisi. Munda ata-analar óz balalaryna azamattyq belsendilik tanytýdyń jáne saılaý prosesine qatysýdyń qanshalyqty mańyzdy ekenin kórsete alady.
Bul kúni eń jas saılaýshylarǵa tátti syılyqtar berildi. Sondyqtan bul sát alǵashqy saılaý retinde este qalary sózsiz.