Almatyda 1980 jyldan bastap paıdalanylǵan 1,5 km-den astam qubyr aýystyrylady
2024 jyldyń 3-15 qyrkúıeginen bastap Almaty qalasy Jetisý aýdany Brodskıı kóshesinde Kazakov kóshesinen avtobýs parkine deıin kólik qozǵalysy jabylady (Brodskıı kóshesi, 37G), dep habarlaıdy Almaty-akshamy.kz.
Qozǵalys eki baǵytta da jabylady.
1980 jyly paıdalanýǵa berilgen atalǵan kóshe boıyndaǵy 1502,5 metr úshin qubyrdy aýystyrý kezindegi jumystyń qaýipsizdigin qamtamasyz etý úshin ýaqytsha shekteýler engiziledi. Bul qubyr 73 nysandy jyly jáne ystyq sýmen qamtamasyz etedi. Rekonstrýksıa kezinde osy aýmaqta turatyn tutynýshylardy ystyq sýmen qamtamasyz etý toqtamaıdy.
Ýaqytsha qolaısyzdyqqa túsinistik tanytýǵa jáne kórsetilgen aımaqty aınalyp ótýdiń joldaryn aldyn-ala oılastyrýdy suraımyz.