Almatynyń Bostandyq jáne Túrksib aýdandarynyń aýmaǵy qylmyskerlerden tazartyldy. Bul týraly Almaty qalasy komendatýrasynyń aqparattyq ortalyǵy málim etti, dep habarlaıdy almaty-akshamy.kz
Komendatýra málimetinshe, arnaıy operasıa barysynda Bostandyq jáne Túrksib aýdandary lańkestik, tonaý jáne basqa da qylmystardyń 1 925 qatysýshysy ustaldy. 38 birlik atys qarýy men 1 486 oq-dári tárkilendi.
«102» púltine 961 habarlama kelip tústi, komendatýranyń Call- ortalyǵyna azamattardan jedel áreket etýdi talap etetin 215 dabyl qabyldandy. Barlyq habarlamalar der kezinde óńdeldi»,- deıdi Almaty qalasy komendatýrasynyń resmı ókili Saltanat Ázirbek.
Sonymen qatar, ol turǵyndardy komendanttyq saǵat talaptaryn buzbaýǵa shaqyrdy.