Bul ótinimderdiń somasy 1118,6 mln teńgege jetip otyr.
Almatyda bınesi zardap shekken kásipkerlerdiń maquldanǵan ótinimderi kún saıyn artyp keledi, dep habarlaıdy Almaty-akshamy.kz QazAqparatqa silteme jasap.
Almatyda shaǵyn jáne orta bıznes sýbektilerine múliktik zıandy anyqtaý jónindegi Aımaqtyq komısıanyń búgingi otyrysynda kásipkerlerdiń jalpy somasy 122,2 mln teńgege 56 ótinimi maquldandy. Onyń ishinde 66,9 mln teńge somasyna 30 ótinim búdjet qarajaty esebinen, «Jańa Alataý» qaıyrymdylyq qorynyń qarjysynan 55,3 mln teńgege 26 ótinim tólendi. Bul týraly Almaty qalasynyń kásipkerlik jáne ınvestısıalar basqarmasynda málim etti.
«Almaty qalasy boıynsha komısıa jumysyn bastalǵaly beri barlyǵy 1118,6 mln teńge somaǵa 601 ótinim maquldandy», - dep habarlady basqarmada.
Jalpy, Almatyda kásipkerlerdiń maquldanǵan ótinimderi kún saıyn artyp kele jatqanyn baıqaýǵa bolady. Sebebi, osydan eki kún buryn Almatyda bıznesi zardap shekken 545 kásipkerdiń ótinishi maquldanǵan edi. Al búginde 600-den asty.