13 qańtardan beri 200-den astam kásipkerge keńes berildi
Almatyǵa jappaı tártipsizdikter kezinde zardap shekken shaǵyn jáne orta bıznes sýbektilerine keltirilgen shyǵyndy anyqtaý úshin 50 prokýror men 88 sot-medısınalyq sarapshy jiberildi. Bul týraly onlaın brıfıń barysynda Almaty qalalyq kásipkerler palatasynyń dırektory Aıtýar Qoshmambetov aıtty, dep habarlaıdy Almaty-akshamy.kz QazAqparatqa silteme jasap
«Biz bıznesi zardap shekken kásipkerlerge aıǵaqtardy anyqtaý úshin polısıaǵa habarlasyp, qylmys izderine tıispeýdi suradyq. Palatanyń bastamasymen 50 prokýror jáne 88 tergeýshi, krımınalıser jáne 30 sot-medısınalyq sarapshy, onyń ishinde keltirilgen shyǵyndy esepteý úshin qalaǵa 10 ekonomıs bólindi. Polısıa zardap shekken kásipkerler jábirlenýshi dep tanylǵan qylmystyq ister boıynsha sot-medısınalyq saraptama taǵaıyndaıdy», - dedi Aıtýar Qoshmambetov.
Sonymen qatar, ol 13 qańtardan Almaty qalalyq kásipkerler palatasynyń bazasynda kásipkerlerge arnalǵan konsýltasıa ortalyǵy qurylǵanyn aıtty. Atalǵan ortalyqta búgingi kúnge deıin 200-den astam kásipkerge keńes berildi.