Qalada iri sport nysandary boı kóteredi
Bul týraly Almaty qalalyq sport basqarmasynyń basshysy Rústem Baıseıitov Óńirlik komýnıkasıalar qyzmetiniń baspasóz konferensıasy barysynda aıtty, dep habarlaıdy almaty-akshamy.kz.
Spıkerdiń aıtýynsha, bıyl jabyq sporttyq nysandardyń qurylysy eselengen. Aǵymdaǵy qurylysta bul obektilerdiń qýattylyǵy táýligine shamamen 10 myń adamdy quraıdy.
Qazirgi ýaqytta Almatyda búdjet qarjysy esebinen jeti sporttyq nysanda qurylys-montaj jumystary júrgizilýde, onyń ishinde altaýy - sporttyq-saýyqtyrý kesheni men tenıs ortalyǵy.
Sonymen qatar, jekemenshik uıymdar bes iri sport nysandaryn salyp jatyr: ústel tenısi ortalyǵy, Suńqar HSHTK dene shynyqtyrý-saýyqtyrý kesheni, Juldyz yqshamaýdanyndaǵy sport kesheni, Maı Vın dene shynyqtyrý-saýyqtyrý kesheni, Áýezov aýdanyndaǵy kúres ortalyǵy. «Jan dosym» tenıs ortalyǵy paıdalanýǵa berildi.
2021 jyly aýdandyq ákimdikter dene shynyqtyrý-saýyqtyrý ortalyqtaryn ornalastyrý úshin qosymsha jer telimderin berdi. Berilgen 14 ýchaskeniń jeteýi qalanyń komýnaldyq menshiginde, qalǵan jeteýi - jeke menshikte.
Qazirgi ýaqytta memlekettik qorda ornalasqan aýdany 0,3-ten 1 ga deıingi jeti ýchaske úshin qala qurylysy jáne ýrbanızm bólimi jobalyq-smetalyq qujattamany ázirleýge konkýrs jarıalady. Sonymen qatar, Atletıkalyq aýyldyń irgeles aýmaǵynda jabyq jeńil atletıkalyq manej salý josparlanýda. Qazirgi ýaqytta jobalyq-smetalyq qujattamany ázirleýge tender ótkizilýde.
R. Baıseıitov atap ótkendeı, sport basqarmasy 2022-2024 jyldarǵa arnalǵan jalpy somasy 3 mıllıard 83 mıllıon teńgege qalanyń sport uıymdaryn qajetti ınventarmen jáne qural-jabdyqtarmen keshendi túrde kezeń-kezeńimen jabdyqtaý josparyn daıyndady.