Almatynyń Qala qurylysyn baqylaý basqarmasy Jarokov kóshesi, 240/6 ých.boıynsha ruqsat qujattarynsyz salynǵan komersıalyq úı-jaılardyń bólshektelgeni týraly habarlady.
Buǵan deıin jospardan tys tekserý aıasynda basqarma «MADINA» JSHS-ne qatysty ákimshilik sharalar qabyldap, buzýshylyqtardy joıýǵa nusqama bergen bolatyn.
Búgingi tańda menshik ıesi nusqama talaptaryn oryndaý úshin obektini erikti túrde bólshekteýde.
Jalpy, Almaty ákimi Erbolat Dosaevtyń qurylysqa baqylaýdy kúsheıtý jónindegi tapsyrmasy aıasynda 2023 jyldyń basynan beri 68 zańsyz nysan, onyń ishinde «Mechta», KHAN jáne basqa da turǵyn úı keshenderi tolyǵymen nemese ishinara buzyldy.