Búginde olardyń kem degende 5 úıdi tonaǵandary belgili boldy
Almatyda birneshe páter urlyǵyna qatysy bar buryn isti bolǵan azamattar qolǵa tústi, dep habarlaıdy Almaty-akshamy.kz Polisia.kz-ke silteme jasap.
Ońaı oljaǵa qyzyǵyp turǵyndardyń páterlerin tonap júrgen qylmystyq topty jedel ýákilder qylmys ústinde ustady. Atalǵan is-shara Demán Bednyı kóshesi boıynda júzege asyryldy.
«Elimizdiń ár óńirinen kelgen 33 jáne 29 jastaǵy bes azamat quryqtaldy. Olardyń 4-eýi buryn birneshe ret tonaý, zorlaý, adam urlaý, buzaqylyq, kólik urlyǵy sıaqty aýyr qylmystar jasaǵany úshin isti bolǵandary belgili boldy. Aldyn ala anyqtalǵandaı, jedel jáne arnaıy is-sharalar barysynda atalǵan bestik endi páter tonaýǵa kóshken syńaıly. Kezekti turǵyn úıdi tonaý barysynda olar qolǵa tústi. Qoldy bolǵan zattar aıǵaq zat retinde tárkilendi. Atalǵan qylmystyq top ishinde urlaǵan zattardy satyp alýshy da bolýy múmkin. Munyń barlyǵy tergeý amaldary barysynda anyqtalatyn bolady», - dep málimdedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
PB bastyǵynyń málimetinshe, atalǵan top sońǵy ret Alataý aýdany Baıjanov kóshesinde ornalasqan jeke turǵyn úıdi tonaǵan. Búginde olardyń kem degende 5 úıdi tonaǵandary belgili boldy.
Sonymen qatar, QR QPK-niń 201-babyna sáıkes, ózge aqparattar tergeý múddesine oraı jarıalaýǵa jatpaıtynyn eskertemiz.
QR Qonstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.