Almatydaǵy kompúterlik klýbtarda urlyq jasap júrgen kúdikti qolǵa tústi.
Birqatar urlyq jasaǵan qala turǵyny ustaldy. Ol Almaly aýdanynda keminde 10 urlyq jasady degen kúdikke ilingen, dep habarlaıdy Almaty-akshamy.kz Polisia.kz-ke silteme jasap.
Polısıanyń málimetinshe, er adam kompúterlik klýbtardyń klıenti retinde kelip, telefondardy, oıyn prıstavkalaryn jáne olarǵa arnalǵan bólshekterdi jasyryn túrde urlaǵan. Sonymen qatar ol jataqhanalar men qonaqúılerden syrt kıim men ákimshilikke tıesili qarajatty urlaǵan.
«Jedel-izdestirý sharalarynyń nátıjesinde 30 jastaǵy kúdikti ustaldy. Birqatar urlyq deregi boıynsha qylmystyq is tergelýde. Ustalǵan azamat óz kinásin moıyndady. Onyń jeke basy buryn jasalǵan osyǵan uqsas qylmystarǵa qatysy bar-joǵyna tekserilip jatyr. Aıtpaqshy, buryn bul azamat birneshe ret urlyq pen tonaý jasaǵany úshin qylmystyq jaýapkershilikke tartylǵan», – deıdi Almaly aýdandyq polısıa basqarmasynyń bastyǵy Oljas Sháripov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.