Dúkenderge túsip, urlyq jasap júrgen baýkespeler quryqtaldy
Almatyda birneshe urlyq jasady degen kúdikpen eki ury ustaldy, dep habarlaıdy Almaty-akshamy.kz Polisia.kz-ke silteme jasap.
Almaly aýdandyq polısıa basqarmasy KPB qyzmetkerleri jedel izdestirý is-sharalary barysynda 24 jastaǵy elordalyq pen 23 jastaǵy pavlodarlyq ustady. Seziktiler birneshe urlyq jasady dep kúdiktelýde.
Olar negizinen dúkenderge túsýdi kásip qylǵan. Dúkenderdiń kire beris esiginiń kiltin tańdap ashý arqyly ishine kirgen. Urylar neǵurlym qundy zattardy alyp ketýge tyrysqanmen, negizinen aqshaǵa basymdyq bergen. 23 qyrkúıek kúni olar Rozybakıev kóshesinde ornalasqan dúkenderdiń birine qulyp kiltin tańdaý arqyly ashyp kirip, 65 000 myń teńgeni jymqyrǵan.
«Ustalǵandardyń tergeý aldyndaǵy tekserý kezinde Almaly aýdanynyń aýmaǵynda osyǵan uqsas urlyqtyń 7 epızodyna qatysy anyqtaldy. Kúdiktiler urlyqqa qatysy bar ekendigin joqqa shyǵarmaıdy. Bul fakt QR QK-niń 188-babynyń 3-bóligi boıynsha sotqa deıingi tergeýdiń biryńǵaı tizilimine engizilgen», – dedi Almaly aýdandyq polısıa basqarmasynyń bastyǵy Esen Ysqaqov.
Belgili bolǵandaı, S.esimdi azamat buǵan deıin de isti bolyp, osyndaı qylmysy úshin jazasyn ótegen. Polısıa “dýettiń” qalanyń basqa aýdandarynda da osyǵan uqsas qylmystarǵa qatysy bar-joǵyn tekseredi. Qazir ustalǵandardyń ekeýi de ýaqytsha ustaý ızolátorynda. Tártip saqshylary barlyq qajetti tergeý amaldaryn júrgizýde.