Bilim berýdegi ınovasıalyq tehnologıalardyń mańyzy Almatyda ótken ǵylymı konferensıada talqylandy.
Oǵan elimizdiń ár óńirinen 150-den asa ustaz qatysty, dep habarlaıdy Almaty-akshamy.kz.
Oqý-aǵartý mınıstrliginiń ókilderi, joǵary oqý oryndarynyń profesorlary men ǵylymı zertteý ınstıtýttarynyń qyzmetkerleri óz oıyn ortaǵa saldy. Al Shotlandıa, Amerıka jáne Avstralıa ǵalymdary óz tájirıbesimen onlaın formatta bólisti. Olar elindegi ınovasıalyq tehnologıalardyń múmkindikteri men kemshilikterin aıtyp berdi. Jıynnyń qorytyndysy boıynsha arnaıy ǵylymı jınaq toptastyrylyp, kitaphanalarǵa taratylady. Sharanyń negizgi maqsaty - oqytýshylardy jańa oqý jylyna daıarlaý, kásibı sheberlikterin shyńdaý.
«Qoldanbaly ǵylymı-zertteý ádisterin mektep muǵalimderiniń arasynda keńinen taratý. Sol arqyly oqýshylarymyzdyń ǵylymǵa degen qyzyǵýshylyǵyn arttyrý. Halyqaralyq olımpıadalarda úlken júldege degen, ǵylymı izdeniske degen múmkindikterine qosymsha keńes berý», - deıdi PHD doktor Nurbolat Nyshanbaev.