Búgin, 24 maýsym, senbi – Almatydaǵy shańǵy tramplıni aýmaǵynda Beu fest mýzykalyq festıvali ótip jatyr dep habarlaıdy almaty-akshamy.kz.
«Suńqar» halyqaralyq sport kesheninde jas mýzykanttar men jańa juldyzdar óz kórermenderin jınady.
Sharany «Beu Radio» Almaty qalasy ákimdiginiń qoldaýymen uıymdastyrýda. Jas jáne jańa juldyzdardyń sahnasyna Ninety One, Mıras Júginisov, Dequine, Akha, Sadraddin, Qazybek Quraıysh, Sadraddin, Kenjebek, Ayree, ALPHA, Ayafunk, Ayau, Rusha, Taspay, Mona Songz, Orynkhan, Duman Marat, Sagdi, Ontoğyzoneki jáne t.b. talantty ánshiler men mýzykalyq toptar shaqyrylǵan.
Almatylyq jastardyń konserttik sharasyna qoldaý kórsetý maqsatynda qala ákimi Erbolat Dosaev ta kórermen retinde qatysty.
Beu fest mýzykalyq festıvali bıyl ekinshi ret ótkizilip otyr. Ol óziniń almatylyq jas kórermenderine berden tanymal bolǵan sahna retinde de belgili. Kórermenderiniń sany men yqylasy «Suqar» kesheni mańyndaǵy kólik keptelisinen de baıqalady.
Konserttik shara jaıyndaǵy suraǵymyzǵa uıymdastyrýshy toptyń múshesi Jannur Aıdarbekova bylaı dedi: «Bıylǵy festıváldiń ereksheligi úlken sahnany armandap júrgen jas zamanaýı mýzykanttardy shaqyrdyq. Bizdiń Beu-FM-niń de maqsaty osy jastardy qoldap, olardyń kórermenderimen qaýyshatyn sahna ázirleý».
«Beu Radio» ókiliniń aıtýynsha almatylyq jas kórermenderdiń yqylasy aıryqsha. Olardyń talabynan shyǵý úshin dombyrada jáne qazaqtyń jas ánshileriniń shyǵarmalaryn oryndap júrgen koreıalyq Soń Ýon-Sýb (Song Won Sub) atty ónerpazdy arnaıy shaqyrǵan.