28 jastaǵy Almaty turǵynyna belgisiz er adam shabýyl jasady.
Jábirlenýshiniń aıtýynsha, ony beıtanys er adam esh sebepsiz soqqyǵa jyqqan, dep habarlaıdy Almaty-akshamy.kz QazAqparatqa silteme jasap.
«Keshe túnde úıdiń mańynda beıtanys adam maǵan shabýyl jasap, basymnan qan shyqqansha, aıamaı uryp, sosyn ózi kelgen jaqqa qaraı qashyp ketti. Men dereý polısıaǵa habarlastym, alaıda olar áli beınekameralardy teksergen joq. Onyń túrin esimde saqtap qaldym. Men bul isti jaýyp tastaı ma dep qorqamyn», - dep jazdy jábirlenýshi Instagram-daǵy paraqshasynda.
Almaty qalalyq polısıa departamenti bul fakti QR Qylmystyq kodeksiniń 293-baby «Buzaqylyq» boıynsha sotqa deıingi tergep-tekserýdiń biryńǵaı tizilimine tirkelgenin málim etti.
«Qyzdyń alǵan dene jaraqatynyń aýyrlyǵyn anyqtaý úshin sot-medısınalyq saraptama taǵaıyndaldy. Bul oqıǵa 16 tamyzǵa qaraǵan túni Medeý aýdanynda bolǵan. Tergeý barysy qalalyq polısıa basshylyǵynyń baqylaýyna alyndy», - dep atap ótti Almaty qalalyq polısıa departamentiniń resmı ókili Saltanat Ázirbek.