Almaty qalasynyń ákimdigi habarlaǵandaı, belgisiz adamdar 30-dan astam jas aǵash kóshetterin zaqymdaǵan, dep habarlaıdy aqshamnews.kz
"2024 jyldyń 12 tamyzynda osy oqıǵa boıynsha Áýezov aýdanynyń ákimdigi men polısıa basqarmasynyń qyzmetkerleri birlesip, oqıǵa ornyna bardy. Tekserý barysynda 36 kóshettiń (katalpa - 15 dana, akasıa - 8 dana jáne sheten - 13 dana) dińiniń ortasynan synǵany anyqtaldy. Bul kóshetterdi Áýezov aýdandyq ákimdigimen kelisimshart boıynsha "Stamp Servıs" JSHS kompanıasy otyrǵyzǵan. Kompanıa qyzmetkerleri kináli tulǵalardy anyqtaý úshin Áýezov aýdanynyń polısıa basqarmasyna aryzben júgindi", - dep habarlady ákimdik.
Sondaı-aq, polısıa qyzmetkerleri kýágerlerden jaýap alyp, beınebaqylaý kameralarynyń jazbalaryn zerttep jatyr.
Zaqymdalǵan aǵashtar ómir súrýge jaramsyz bolǵandyqtan, kúzde merdiger uıymnyń kúshimen kóshetterdi aýystyrý josparlanýda.
"Eger buzaqy anyqtalsa, Qazaqstan Respýblıkasynyń Ákimshilik quqyq buzýshylyq týraly kodeksiniń 386-babyna sáıkes "Jasyl jelekterdi ustaý jáne qorǵaý erejelerin buzý" boıynsha jeke tulǵalarǵa 30, shaǵyn kásipkerlik sýbektileri men komersıalyq emes uıymdarǵa 60, orta kásipkerlik sýbektilerine 100, iri kásipkerlik sýbektilerine 300 aılyq eseptik kórsetkish mólsherinde aıyppul salynady", - dep málimdedi Almaty qalasynyń ákimdigi.