Almaty qalasynda jyl basynan beri qylmys deńgeıi 10-15%-ǵa tómendedi, dep habarlaıdy aqshamnews.kz
Qalalyq polısıa departamentiniń málimetinshe, quqyq buzýshylyqtardyń basym bóligi qalanyń ártúrli jerlerine ornatylǵan 150 myńǵa jýyq beınebaqylaý kameralarynyń arqasynda ashyldy. Bul zamanaýı tehnologıalar oqıǵalarǵa jedel áreket etýge jáne quqyq buzýshylyqtardyń aldyn alýǵa múmkindik berýde.
Kún saıyn polısıa qyzmetkerleri qoǵamdyq tártipti saqtaý jáne azamattardyń qaýipsizdigin qamtamasyz etý úshin kóshelerde qyzmet atqarady. Qylmystardy ashý, profılaktıkalyq reıdter ótkizý, túsindirý jumystaryn júrgizý jáne qoǵamdyq oryndar men joldardaǵy tártipti baqylaý turaqty túrde júzege asyrylýda.
Almaty qalasy polısıa departamentiniń jergilikti polısıa qyzmeti basqarmasynyń bastyǵy Serik Shýmaev bylaı dedi: "Jyl basynan beri patrúldik polısıa qyzmetkerleri 2000-nan astam qylmystyq quqyq buzýshylyqty ashýǵa qatysty. Aldaǵy Táýelsizdik kúni men Jańa jyl merekeleri qarsańynda patrúldik polısıa garnızony men Polısıa departamenti kúsheıtilgen jumys rejımine kóshedi."
Almaty qalasynyń polısıa departamenti zamanaýı tehnologıalardy engizýdi jáne azamattardyń qaýipsizdigin qamtamasyz etý úshin profılaktıkalyq sharalardy jalǵastyrýda. Qala turǵyndarynyń qaýipsizdigi – basty nazarda.