Almatydaǵy bazarda túnde shyqqan órt der kezinde sóndirildi, - dep habarlaıdy Aqshamnews.kz.
Almatyda keshe túngi ýaqytta saýda núkteleriniń birinde órt shyqty. Oqıǵa Alataý aýdanyndaǵy "Soltústik aınalym" yqshamaýdanynda ornalasqan saýda bazarynda bolǵan. Bul týraly QR TJM málimdedi.
Vedomstvonyń habarlaýynsha, órt aldymen bir qabatty jyldam tamaqtaný ornynda bastalyp, keıin janyndaǵy metal konteınerge taraǵan.
"Alǵashqy órt sóndirý bólimsheleri kelgen kezde jalyn dúńgirshikke jaıylyp, kórshi qurylystarǵa taralý qaýpi bolǵan. Órtsóndirýshilerdiń úılesimdi ári jedel áreketiniń arqasynda ot 50 sharshy metr aýmaqta tolyqtaı sóndirildi", – dedi TJM ókilderi.
Órt sóndirý kezinde mamandar eki gaz balonyn shyǵaryp, jarylystyń aldyn alǵan. Abyroı bolǵanda, zardap shekkender joq.
Qazirgi ýaqytta órttiń shyǵý sebebi anyqtalyp jatyr.