Aqshamnews.kz redaksıasy "Kún sany" aıdarynda aptanyń eń mańyzdy derekterine sholý jasady.
5,5 myńnan asa tegin keńes berý pýnkti
Qazaqstanda mektepke deıingi uıymdar janynda balabaqshaǵa barmaıtyn balalardyń ata-analaryn qoldaýǵa baǵyttalǵan 5,5 myńnan astam tegin keńes berý pýnktteri jumys isteıdi.
Munda mektep jasyna deıingi balalardy tárbıeleý men damytý boıynsha kásibı keńester alýǵa bolady.
Qazaqstanda 24 mln tonna astyq jınalmaq
Qazaqstanda 10,2 mln gektardan 15,5 mln tonna astyq bastyryldy. Bul týraly Úkimet otyrysynda aýyl sharýashylyǵy mınıstri Aıdarbek Saparov málimdedi.
Bıyl astyq jınaýdyń boljamdy kólemi - shamamen 24 mln tonna.
"Jalpy, astyq boıynsha boljam 24 mln tonna deńgeıinde baǵalandy. Qazir 700 myń tonna maıly daqyldar jınaldy. Jalpy, bıyl maıly daqyl tuqymynyń shamamen 4 mln tonna kóleminde rekord túsimi kútiledi. Sondaı-aq 1,8 mln tonna kartop, 2,9 mln tonna kókónis, 2,2 mln tonna baqsha ónimderi jınaldy", - dep atap ótti mınıstr.
Sharýalardy qoldaýǵa 700 mlrd teńgeden asa qarajat jumsaldy
Úkimet egis jáne egin jınaý jumystary kezeńinde aýyl sharýashylyǵy taýaryn óndirýshilerdi qoldaý úshin keshendi sharalar qabyldaýda. Jeńildetilgen qarjylandyrýǵa 700 mlrd teńge bólindi, onyń 502 mlrd teńgesi ıgerildi. Bul týraly Úkimet otyrysynda aýyl sharýashylyǵy mınıstri Aıdarbek Saparov baıandady.
Sıyr etiniń baǵasy - 3 500 teńge
Aýyl sharýashylyǵy mınıstri Aıdarbek Saparovtyń aıtýynsha, elimizde óndiriletin ettiń kólemi jetkilikti. Saýda oryndaryna júrgizilgen úsh kúndik birlesken reıdter barysynda fermerlerdiń kóterme saýdada óz ónimderi kelisin 3 000-3 500 teńgeden ótkizetini anyqtaldy. Sonymen qatar, deldaldardyń qysqa ýaqyt ishinde et baǵasyn edáýir kóterip jiberetini de belgili boldy.
1Bir jerden 3 200-den satyp alyp, saýda jelilerine 3 800 teńgeden tapsyratyn faktiler kezdesti. Bir saǵat ishinde bir kılogramnan 600 teńge paıda tabady. Deldaldarmen jumys júrgizý kerek. Biz Saýda mınıstrligimen birlesip, bul jumysty odan ári jalǵastyramyz1, - dep atap ótti Aıdarbek Saparov.