Almatyda batýttaǵy gımnastıkadan kezekti, ıaǵnı 6-shy spartkıada bastaldy.
4 jylda bir ótetin baıraqty básekege 9 aımaqtan 120-ǵa jýyq qatysýshy jınaldy, dep habarlaıdy Almaty-akshamy.kz. 24 kz-ke silteme jasap.
Endi olar birneshe kún boıy jekeleı, juptyq jáne komandalyq syndarda ózara myqtyny anyqtaıdy. Jarys baǵdarlamasyna gımnastıkanyń 3 baǵyty, ıaǵnı akrobatıkalyq jolaq, mını tramp jáne battýtaǵy jattyǵýlar engizilgen.
Aıta ketý kerek, Qazaqstan spartakıadasyna el namysyn qorǵap júrgen ulttyq qurama ókilderi túgel keldi. Iaǵnı, jasóspirimder, jastar men eresekter arasyndaǵy úzdikter de basqalarmen birdeı jarysqa aralasady. Bul aımaqtardan jınalǵan sportshylardyń sheberligin shyńdaýǵa kómektesedi. Al quramadaǵy kásipqoı sportshylar úshin babyn joǵaltpaı, tájirıbesin jetildirýge keremet múmkindik.
- 2023 jyldyń basty jarysy aldaǵy Azıa oıyndary ekeni belgili. Mine, biz osy jarysqa daıyndyq ústindemiz. Qazir ulttyq qurama músheleri túgeldeı spartakıadaǵa qatysyp, baqtaryn synap jatyr. Al dál osy ishki birinshilik nátıjesinde biz úzdik sportshylardy iriktep, 2024 jyly el namysyn qorǵaıtyn ulttyq quramany jasaqtaımyz. Aıta ketý kerek, sporttyq dál osy baǵyty qazir bizde jaqsy damyp jatyr jáne básekelestik deńgeıi kádimgideı ósken, - deıdi ulttyq quramanyń bas bapkeri Sergeı Vertánkın.