Operasıa pasıentke tolyqqandy ómirdi jalǵastyrýǵa múmkindik berdi
Almatylyq dárigerler pasıentti bas súıegi-mı jaraqatynyń sırek asqynýynan qutqardy, dep habarlaıdy Almaty-akshamy.kz.
Almaty qalasynyń 43 jastaǵy turǵyny buryn tóbelestiń saldarynan basynan aýyr jaraqat alǵan. Aýrýhanadan shyqqannan keıin onda jaǵymsyz belgiler baıqala bastady. Sol jaq kóziniń kórýi nasharlady, pasıent sol jaq kóz almasynyń shyǵyp, qyzarǵanyn baıqaı bastady, al sol jaq qulaqǵynda turaqty púlsasıalyq shý paıda boldy. Er adamnyń betine qaraý qorqynyshty boldy. Joǵaryda sıpattalǵan belgilerge paraorbıtaldyq isiný jáne sol jaq kóz almasynyń uıasynan aıqyn shyǵýy qosyldy.
Aýyrsyný tózimsiz bolǵandyqtan pasıent qalalyq jedel járdem aýrýhanasyna (QJJA) bardy, onda mıdyń MRT/MRA-da sol jaqta karotıd-kavernozdy soýsty (KKS) anyqtady.
KKS-bul júre paıda bolǵan ıntrakranıaldyq tamyrly anomalıa. Jaraqattan keıingi KKS - bul bas súıek-mı jaraqattarynan (BMJ) paıda bolatyn sırek kezdesetin aýrý.
KKS kórý qabiletiniń aıyratyn jáne turaqty bas aýrýlaryna ákeletin aýrý. Eger júre paıda bolǵan tamyrly anomalıa (KKS) operasıa arqyly emdelmese, 90 paıyzynda bul múgedektikke ákeledi, kórý aǵzasynyń fýnksıasynan tolyq aıyrylýǵa ákelýi múmkin.
Qazirgi ýaqytta KKS úshin eń tıimdi jáne qaýipsiz emdeý endovaskýlárlyq emdeý bolyp tabylady. Arterıalyq qabyrǵany mıkro spıraldardyń kómegimen qalpyna keltirý ádisi jıi qoldanylady.
Osylaısha, pasıentke QJJA neırohırýrgıalyq bólimshesi jaǵdaıynda operasıa jasaldy: karotıd-kavernozdy soýsty balondyq assıstensıany qoldana otyryp, sol jaqta mıkrospıraldarmen rekonstrýktıvti embolızasıalaý.
Eki saǵattyq operasıany neırohırýrgter E.Jýkov, M. Arǵymbaev, anestezıolog R. Qasenov, operasıalyq meıirger E. Aıýpovadan turatyn dárigerler toby júrgizdi.
"Emdeýde Kóz aýrýlary ǴZI oftalmology I. Rasýlov mańyzdy ról atqardy. Birlesken kúsh-jigerdiń arqasynda pasıenttiń kózin saqtap, aýyrsynýdy joıýǵa múmkindik týdy. Operasıadan keıin pasıenttiń kórý jáne okýlomotorlyq fýnksıalary ishinara qalpyna keldi, qas pen qulaq aımaǵyndaǵy shý, ekzoftalm, ıaǵnı kózi qalpyna keldi, eń bastysy, tózgisiz aýyrsyný basyldy. Operasıa pasıentke tolyqqandy ómirdi jalǵastyrýǵa múmkindik berdi", - dep atap ótti QJJA neırohırýrg Maksım Arǵymbaev.