Almatyda ótken jıynda Bas redaktorlar men QHA jýrnalıser klýby birlese BAQ-ta etnosaralyq jáne dinı máselelerdi jarıalaý jóninde Etıkalyq kodeks qabyldaý, arnaıy medıa keńesin qurý, “toleranttylyq jáne medıaetıka” pánin jýrnalısıka mamandyqtaryna engizýdi talqylady, - dep habarlaıdy aqshamnews.kz.
Bul týraly jýrnalıs, depýtat Bıbigúl Jeksenbaı FB paraqshasynda jazdy.
Bas redaktorlar klýby men QHA jýrnalıser klýby arasynda áriptesim Alısher Satvaldıevpen Memorandýmǵa qol qoıdyq.
Maqsat — etnosaralyq qatynastardy buqaralyq aqparat quraldarynda jarıalaý mádenıetin qalvptastyrýda birlese jumys júrgizý.
Kópetnosty Qazaqstan úshin BAQ-tyń róli aıryqsha. Árbir sóz, árbir jarıalanym qoǵamdaǵy senim men tatýlyqqa áser etedi.
Sondyqtan jýrnalısiń kásibı etıkasy — bul tek mamandyq talaby emes, ulttyq qaýipsizdik pen qoǵamdyq kelisimniń kepili.
Kóptegen elderde etnosaralyq taqyryptardy jarıalaýda naqty etıkalyq normalar bar.
- Mysaly, Ulybrıtanıada Ofcom óshpendilik tiline jol bermeıdi;
- Kanadada jýrnalıs osy baǵyttaǵy “názik” taqyryptardy etnostyq toptarmen keńesip baryp jazady;
Eýropa Keńesiniń hartıasynda: «Jýrnalıs qoǵamdy bólýge emes, túsinistikke qyzmet etýi tıis», — delingen. Bul — jaýapty jýrnalısıkanyń ortaq qaǵıdaty.
Bizdiń elde 130-dan astam etnos ómir súredi, sondyqtan sóz mádenıeti – kelisim mádenıetimen tikeleı baılanysty.
Almatyda ótken jıynda Bas redaktorlar men QHA jýrnalıser klýby birlese BAQ-ta etnosaralyq jáne dinı máselelerdi jarıalaý jóninde Etıkalyq kodeks qabyldaý, arnaıy medıa keńesin qurý, “toleranttylyq jáne medıaetıka” pánin jýrnalısıka mamandyqtaryna engizýdi qarastyrýdy talqyladyq.
Bul sharalar sóz bostandyǵyn shekteý emes — senim men kásibılikti arttyrý tetigi.
Halqymyz «Birlik bar jerde – tirlik bar» deıdi. Aqparattyq dáýirde bul qaǵıda burynǵydan da ózekti.
Bizdiń mindetimiz — sóz arqyly kelisimdi, túsinistikti jáne ózara qurmetti nyǵaıtý.