Marqum ártis ózi dál osy operada Dúrıany, Qamqany oryndaǵan.
Almatyda 12 qańtarda Qazaq KSR halyq ártisi Baqyt Áshimovanyń týǵanyna 85 jyl tolýyna oraı Evgenıı Brýsılovskııdiń tórt aktili "Qyz Jibek" operasy qoıyldy, dep habarlaıdy Almaty-akshamy.kz
Baqyt Áshimova Abaı̆ atyndaǵy qazaq ulttyq opera jáne balet teatrynda kóp jyl eńbek etip, operalarda messo-sopranolyq rólderdi názik lırıkalyq ıirimdermen baıytty, al zeı̆netkerlikke shyqqannan keı̆in teatrdyń opera trýppasynyń pedagog-repetıtory bolyp qyzmet atqarǵan.
Búgin ózi qyzmet etken ujym sahnasynda onyń qurmetine oraı "Qyz Jibek" operasy qoıyldy. Marqum ártis ózi dál osy operada Dúrıany, Qamqany oryndaǵan. Zal lyq toldy. Bıletter túgel satylǵan.
Sonymen birge Qarlyǵash, Lúba (A. Jubanov pen L. Hamıdıdiń "Abaı̆y" men "Tólegen Toqtarovynda"), Analyq (M. Tólebaevtyń "Birjan-Sarasynda"), Toǵyzaq (N. Jıganovtyń "Altynshashynda"), Larına (P. Chaı̆kovskıı̆diń "Evgenıı̆ Onegıninde"), Sýzýkı (Dj. Pýchchınıdiń "Chıo-chıo-sanynda"), Shámsıa (Z. Ismagılovtyń "Qudashasynda") rólderi Áshimova somdaýynda múlde jańa qyrynan ashyldy.
Ol Nursulý, Ana (S. Muhamedjanovtyń "Aı̆sulýy" men "Jumbaq qyzynda"), Balym (E. Rahmadıevtiń "Qamar sulýynda"), Alqa (Ǵ. Jubanovanyń "Qurmanǵazysynda") partıalaryn sahnada tuńǵysh ret oryndady. Áshimova óneriniń ekinshi qyry — kameralyq ánshiligi. Ol N. Tilendıevtiń "Kýá bol", "Mahabbat muńy", "Kúnder-aı̆", "Júregim meniń", "Sarjaı̆laý", "Sónbeı̆di, áje, shyraǵyń" jáne Rahmadıevtiń "Bala ǵashyq", "Saǵyndym erkem", "Kúzde" ánderin alǵash ret oryndap, qalyń jurtshylyqtyń yqylasyna bólendi.
Baqyt Áshimovanyń shákirtteri Qazaqstan qalalarynda ǵana emes, shet elderde de jemisti eńbek etip, óner kórsetip júr. Onyń kópshilikti súı̆sindirgen ásem daýysy, tabıǵı sheberligi klasıkalyq jáne halyqtyq mýzykany súı̆etin kórermenderiniń júreginde máńgi qalady.
Baqyt Áshimova 2012 jyly qaıtys boldy.