Zań jobasy boıynsha jumys tobynyń 16 otyrysy ótti.
Almatyda VIII saılanǵan Májilis janyndaǵy Qoǵamdyq palatanyń kóshpeli otyrysynda Májilis depýtaty Juldyz Súleımenova «Buqaralyq aqparat quraldary týraly» zań jobasynyń talqylanýy jaıly aıtty, dep habarlaıdy Almaty-akshamy.kz
«Mass-medıa» zańy tartysty jáne mazmundy talqylanyp jatyr. Zań jobasy boıynsha jumys tobynyń 16 otyrysy ótti. Odan bólek, 4 jumys kezdesýi, búgin besinshisi ótip jatyr. Barlyǵy 21 otyrys ótkizdik. Qazirgi kestede 179 pozısıa bar. Onyń ishinde 26 pozısıany medıa-qoǵamdastyq ókilderi, azamattyq qoǵam ókilderimen birlesip ázirlengen normalar bolatyn», - dedi Juldyz Súleımenova.
Depýtat ataǵandaı, jýrnalıserdi akredıtteý máselesi kóp suraq týyndatqan.
«Úkimetten kelip túsken normada jýrnalıserdi akredıtteý jáne olardy jeńildetilgen akredıtteý, «baspasóz kartasy» degen úsh uǵym berildi. Biz akredıtteýdi negizgi tolyqqandy bir uǵym qaldyrýdy suraımyz. Jeńildetilgen jáne «baspasóz kartasyn» alyp tastaýǵa baılanysty «AMANAT» partıasy fraksıasynyń jetekshisi Elnur Beısenbaev, Áleýmettik-mádenı damý komıtetiniń tóraǵasy Asqat Aımaǵambetov birlesip «baspasóz kartasyn» alyp tastaý boıynsha túzetý engizdi», - dedi ol.
Depýtat akredıtteý ortaq uǵymǵa jáne ortaq negizdelgen tártipke negizdelýi qajet ekenin aıtty.
«Eger ol jeńildetilgen nemese onyń onlaın taǵy da basqa túrlerin usynsaq, azamattar arasynda túsinspeýshilik týyndaıdy. Konstıtýsıalyq teńdik máselesi de týyndaıtynyn medıa-qaýymdastyq ókilderi dáleldep, dáıekti túrde jetkizdi. Májilistiń «Mass-medıa» zań jobasy boıynsha jumys toby men depýtattar «baspasóz kartasy» degen normany qoldamaıdy. Ol normany alyp tastaýǵa baılanysty túzeıtý engizildi. Ony ári qaraı daýys berý arqyly birlesip sheshemiz», - dedi ol.