Almatyda qala kúnine oraı BAQ ókilderi men blogerler arasynda fýtboldan týrnır ótti. İs-sharany Almaty qalasynyń Óńirlik komýnıkasıalar qyzmeti uıymdastyrdy, bul týrnır jyl saıyn qyrkúıek aıynyń basynda ótedi, dep habarlaıdy Almaty-akshamy.kz
Týrnırdiń ashylýy saltanatty jaǵdaıda ótti. ÓKQ basshysy Balsulý Alekenova quttyqtaý sóz sóıledi. Ol komandalarǵa sáttilik tilep, aldaǵy qala kúnimen quttyqtady.
Týrnırge qalalyq jáne respýblıkalyq BAQ-tyń 10-ǵa jýyq redaksıasynan jýrnalıserden, redaktorlardan jáne operatorlardan, sondaı-aq blogerlerden quralǵan 7 komanda qatysty:
- Alash media group
- 31 arna
- Monıtorıń jáne taldaý ortalyǵy
- "Alataý Aqparat"
-"Basketbol"medıa-komandasy
- “Nur.kz”
- Qazaqstan Telearnasy.
"Monıtorıń jáne taldaý ortalyǵy" komandasynyń atynan týrnırge qatysýshy jalǵyz qyz oıynnan alǵan áserlerimen bólisti.
"Týrnır uıymdastyrýshylaryna kóp rahmet. Biz, monıtorıń jáne taldaý ortalyǵy alǵash ret qatysyp otyrmyz. Bizge bári unady, biraq biz jeńiske jete almadyq. Biraq kelesi jyly biz tyrysyp, nátıjesin kórsetemiz dep oılaımyn", - dedi MTO qyzmetkeri Álıa Smaǵulova.
"Eń tehnıkalyq komanda" retinde "Alataý aqparat" tanyldy. "Jeńiske degen erik-jigeri úshin" nomınasıasynda "MTO" komandasy marapattaldy . Sonymen qatar, "Úzdik qaqpashy", "Úzdik shabýylshy" jáne "Úzdik oıynshy"nomınasıalarynyń jeńimpazdary anyqtaldy.
Oıyn qorytyndysy boıynsha úshinshi oryndy 31 arna quramasy , ekinshi oryndy Nur.kz komandasy ıelendi. Týrnırdiń jeńimpazy 1 oryn alǵan "Basketbol" medıa-komandasy boldy.
Tóreshiler alqasy dostyq týrnır oıynshylarynyń sporttyq daıyndyǵyn joǵary baǵalady. Barlyq qatysýshylar gramotalar, aqshalaı syılyqtar men kýboktar aldy.