Almatyda balmuzdaq shyǵaratyn zaýytta alty jumysshy amıaktan ýlanǵan.
Almatyda balmuzdaq shyǵaratyn zaýyttyń alty jumysshysy amıaktan ýlanǵan. Aldyn ala qorytyndy boıynsha, muzdatqysh balonnyń artqy jaǵyndaǵy rezeńke tyǵyzdaǵyshtyń zaýyttyq aqaýy saldarynan 500 gram zıandy zat aǵyp ketken. Aýysym kezinde óndirilgen ónimder satylymnan alyndy, dep habarlaıdy Almaty-akshamy.kz Egemen.kz-ke silteme jasap.
Ýlanǵan qyzmetkerler dereý aýrýhanaǵa jetkizilgen. Dárigerler 26, 46 jáne 38 jastaǵy úsh naýqastyń jaǵdaıyn aýyr dep baǵalap otyr. Olar jansaqtaý bóliminde jatyr.
«Naýqastyń bireýi jaǵdaıy turaqty bolýyna baılanysty stasıonarlyq emnen bas tartty. Tórt naýqastyń úsheýi qazir jansaqtaý bóliminde em alyp jatyr. Jaǵdaılary turaqty aýyr», - dedi Almaty qalasy jedel kómek kórsetý aýrýhanasynyń bólim meńgerýshisi Baýyrjan Omarov.