Almatydaǵy Abaı atyndaǵy Qazaq ulttyq opera jáne balet teatrynda Ramazan Bapovtyń zaly ashyldy.
Aty ańyzǵa aınalǵan balet artısi bıyl kózi tiri bolǵanda 75 jasqa tolar edi. Onyń esimi qazaq balet óneriniń tarıhynda altyn áriptermen jazylyp qaldy. Balet ónerindegi qubylys. Ónertanýshylar Ramazan Bapov jaıynda osylaı deıdi, dep habarlaıdy Almaty-akshamy.kz 24.kz-ke silteme jasap.
Rasynda ol qazaq sahnasyn erekshe túrlendirdi. «Aqqý kóli», «Uıqydaǵy arý», «Shelkýnchık», «Don Kıhot», «Spartak» sıaqty klasıkalyq qoıylymdarda basty partıalardy oryndap, kóremenderdiń qoshemetine bólendi. Sóıtip, 1970 jyldary qazaq horeografıasyna qubylys bolyp qosyldy.
75 jyldyq mereıtoıyna oraı ózi uzaq jyl eńbek etken opera jáne balet teatryndaǵy zalǵa esimi berildi. Áriptesteri qoıylymdy sol kisige arnady. Qazir Bapovtyń ónerin qýǵan jastar kóp. Ony ustazym dep qurmetteıtin izbasarlary jetkilikti. Árıne, bul bizdi qýantady. Shyndyǵynda ol balet óneriniń jaýhary. Óz isiniń sheberi boldy,-dep eske alady áriptesteri.
«Ramazan Salıhulynyń orny erekshe. Sol kisi búkil osy tetrdaǵy barlyq partıalardy, rolderdi keremet somdady. Qazir de sol kisi etalon deımiz ǵoı ol kisiniń ishki dúnıesi tazalyǵy parasattylyǵy ishki dúnıesi keremet bolatyn. Bul degen búkil elimiz úshin bul úlken bir mádenı qubylys sondaı oqıǵa dep oılaımyn», - Qazaq ulttyq horeografıa akademıasynyń rektory Bıbigúl Núsipjanova.
Ol myqty mamandardan tálim-tárbıe aldy. Elimizde sol balet mektebin qalyptastyrý úshin baryn saldy. Máskeýde qalyp qalsa da bolatyn edi. Biraq ol elge oralyp, hazaq horeografıasyn álemge tanytty. Áriptesteriniń aıtýynsha, áli kúnge deıin Spartak partıasyn oryndaýda Bapovqa teń keleri joq.
«Onyń bolmysy ónerge jaralǵan. Tekti tulǵa edi. Óner, sonyń ishinde balet dese ishken asyn jerge qoıdy. Ol sahnada múldem basqa adamǵa aınalatyn. Ony qaıtalaý múmkin emes. Ol balet úshin jaraldy. Ómiriniń sońyna deıin óziniń isin súıip ótti. Meniń jarym osyndaı keremet jan edi», - deıdi Qazaqstannyń Eńbek sińirgen artısi, jubaıy Lúdmıla Rýdakova.
Ramazan Salyqulynyń horeografıany damytýdaǵy eńbegi eleýsiz qalǵan joq. Ol Qazaq KSR-iniń jáne KSRO halyq artısi atandy. Budan ózge de marapttarǵa ıe boldy. 2014 jyly ómirden ozdy. Onyń júrip ótken joly keıingi izbasarlaryna úlgi bolyp qala bermek.