Qazirgi tańda qalada ártúrli psıhıkalyq aýrýlarǵa shaldyqqan 1823 bala, 503 jasóspirim dınamıkalyq baqylaýda tur.
Almaty qalalyq psıhıkalyq ortalyǵynda 10 sáýirde balalardyń tanymdyq jáne zıatkerlik deńgeıin zertteý, sóıleý qabiletin, áleýmettik daǵdylardy damytý, fızıkalyq densaýlyqty jaqsartý, sensomotorly júıeni jetildirý, balalardyń emosıonaldy jaǵdaıyn jaqsartýǵa arnalǵan qural-jabdyqtarmen jasaqtalǵan ońaltý kabıneti ashylady, dep habarlaıdy Almaty-akshamy.kz.
Psıholog, logoped, psıholog-jattyqtyrýshy sóıleý damýy tejelgen, aýtızm, aqyl-oı kemistigi anyqtalǵan jáne gıperbelsendi balalarǵa psıhologıalyq kedergilerdi eńserýge kómektesedi.
Sonymen birge 2023 jyldyń 10 sáýir kúni Almaty qalalyq psıhıkalyq densaýlyq ortalyǵynda «Aýtızmge shaldyqqan balalardy emdeýdiń erekshelikteri» taqyrybyn tereń talqylaıtyn konferensıa ótedi.