İs-shara barysynda balalardy endokrınolog, nevropatolog, pýlmonolog, alergolog, kardıo-revmatolog, gastroenterolog, nefrolog, gematolog, hırýrg cıaqty úzdik beıindi balalar mamandary tekserdi.
Halyqaralyq balalardy qorǵaý kúni qarsańynda №11 qalalyq emhanasynda profesor N.A.Barlybaeva atyndaǵy neonatologıa kýrsy men balalar aýrýlary kafedrasynyń qatysýymen ashyq esik kúni ótti, dep habarlaıdy Almaty-akshamy.kz.
№11 qalalyq emhananyń baspasóz qyzmetiniń málimetinshe, olardyń arasynda medısına ǵylymdarynyń kandıdattary, profesorlar, kafedra dosentteri, medısına ǵylymdarynyń magıstrleri, balalar aýrýlary kafedrasynyń asıstentteri, joǵary sanatty dárigerler bar.
Sondaı-aq, balalardyń qanyndaǵy qant pen holesterınniń mólsheri anyqtaldy, boıy men salmaǵy ólshendi.
Jalpy, is-sharada ártúrli patologıaǵa shaldyqqan 200-ge jýyq bala qamtyldy. Ata-analarmen balalardaǵy aýrýlardyń aldyn alý jáne ońaltý boıynsha áńgimeler júrgizilip, tekserý jáne emdeý boıynsha usynystar berildi.
Sońynda qyzmetkerler barlyq balalarǵa jazda jaqsy demalyp, densaýlyqtaryn nyǵaıtyp, kúsh-qýat alýdy, kóptegen jaǵymdy emosıalar alýdy jáne jańa dostar tabýdy tiledi.