Balalaryn lagerge jibergen almatylyq ata-analar oqýshylardyń qandaı orynǵa jaıǵastyrylǵanyn kórip, shoshydy.
Irına Kım esimdi Facebook qoldanýshysy óz paraqshasynda lager aýmaǵynda jalańash er adamdardyń baseın mańynda serýendep júrgen vıdeosyn jarıalady dep habarlaıdy Almaty-akshamy.kz Ulysmedia.kz-ke silteme jasap.
Sol vıdeo arqyly balalarynyń saýna aýmaǵyna ornalastyrylǵanyn bilgen ata-analar oqýshylardy demalys ornynan jappaı alyp kete bastady.
«Eki kún buryn Jetisý aýdanynyń balalary "Arman dala" lagerine attandy. Keshke kóptegen balalar ata-analaryna ornalasqan jerlerinen vıdeolar men fotosýretter jibere bastady. Ata-analar shoshyp ketti. Olardyń kóbi dereý balalardy alyp ketýge bardy jáne osy vıdeony túsirip jiberdi. Ondaǵy kóriniske ashýlanǵanym sondaı, tynysym tarylyp qaldy. Ata-analar qandaı kúı keshkenin, balalar qalaı qoryqqanyn aıtýdyń ózi qıyn. Bul úshin kim jaýap beredi»?– dep jazdy Irına Kım.
Almaty qalasynyń bilim basqarmasy vedomstvo qyzmetkerleri ata-analarynyń shaǵymynan keıin "Arman dala" qala syrtyndaǵy lagerine shuǵyl attanǵanyn habarlady.
«Bilim basqarmasy osy uıymmen shartty buzý máselesin qaraıtyn bolady. Qazirgi ýaqytta balalar úılerine taratylyp jatyr, jaqyn arada oqýshylar bekitilgen erejeler qatań saqtalǵan basqa lagerlerge jiberiledi», - delingen habarlamada.