21 jastaǵy Jámılá Baqtıarqyzy aýyr syrqattan qalaı aıyqqanyn jazypty
Almatyda jas qalamger Jámılá Baqtıarqyzynyń «Báısheshek» atty jańa týyndysy jaryq kórdi, dep habarlaıdy Almaty-akshamy.kz Almaty.tv-ge silteme jasap.
Atalǵan sharada avtor óz shyǵarmalarynan úzindi oqyp, kópshilikti tereń oıǵa jeteledi. 21 jastaǵy Jámılá Baqtıarqyzy aýyr syrqattan qalaı aıyqqanyn jazypty. Keshke ónerde júrgen aǵaıyndy kúıshi-kompozıtor Ǵalamat pen Nurálı Beıseqojalar qatysyp, is-sharanyń kórkin qyzdyrdy. Kitaptyń tusaýkeseri osyǵan deıin Nur-Sultan, Túrkistan, Taldyqorǵan jáne Shymkent qalalarynda ótipti.
«Endigi maqsatymyz Batys Qazaqstanǵa, batys eline baryp Atyraý, Mańǵystaý jaqtyń qazaqtary jyr dese ishken asyn jerge qoıatyn halyq qoı. Qurmanǵazynyń jeri, Dına apamyzdyń jeri, sol elge baryp, ónersúıer qaýymǵa osy kitapty pash etip, tanystyramyz. Eger sáti túsip jatsa Nurálı men Ǵalamat baýyrymyzdy ertip barǵymyz keledi. Olardyń da qanshama eńbekteri, kúıleri bar», – dedi ákesi Baqtıar Ónerbaev.