Tártipsizdik kezinde azyq-túlik óndiretin kásiporyndar zardap shekken joq.
Almaty qalasynyń tynys-tirshiligin qamtamasyz etýdi qalpyna keltirý jónindegi qalalyq shtabtyń málimetinshe, búginde 3 naýbaıhana («Aqsaınan», «Almatynan» jáne «Rýzınan») kúnine 80 tonnaǵa jýyq áleýmettik nan shyǵarady, dep habarlaıdy Almaty-akshamy.kz
Bul rette óndiriletin ónimniń baǵasy burynǵy deńgeıde qaldy («Aqsaınan» – 80 teńge/bólke, «Almatynan» – 85 teńge/bólke).
9 qańtardan bastap bakaleıa ónimderiniń iri jetkizýshisi «As-An» fırmasy JSHS (kúnbaǵys maıy, qant, tuz, rojkı, kúrish, arpa, un) ónimdi saýda jelilerine jetkizýdi jańartty. 10 qańtardan bastap Bostandyq (33 dúken) jáne Túrksib (16 dúken) aýdandarynyń úı janyndaǵy 49 dúkenine jetkizýdi bastady.
Sút ónimderin óndirýshiler («Solnechnyı» JSHS, «AdalSút» JSHS jáne «JLC» JSHS, «Fýd Master"» JSHS, «RG Brands») jetkizilimderdi shtattyq rejımde júrgizedi.
«Alsad Qazaqstan» JSHS men «Alataý Qus» JSHS qoımalarda jumyrtqa qorynyń jetkilikti kólemine ıe. Búginde barlyq saýda jelileri men iri dúkender jetkizilimmen qamtylǵan.
Búgin ÁKK-niń 20 pavılony jumys isteı bastady, 2 pavılon zardap shekti (Jetisý-2, Tóle bı-Momyshuly kóshesi).
9 qańtarda «Magným» jelisine kelisimshart jasalǵan kókónister kólemin jetkizý jolǵa qoıyldy. Qazirgi ýaqytta azyq-túlik taýarlaryn kelesi kásiporyndar ótkizedi: «As-An» fırmasy JSHS, «EFK» AQ (bakaleıa ónimderi), barlyq sanattaǵy jumyrtqalar («Alsad Qazaqstan» JSHS jáne «AlataýQus» JSHS), nan-toqash ónimderi («Aqsaı» TNK JSHS, «Almatynan» JSHS jáne «Rýzınan» JSHS), sút ónimderi («AdalSút» JSHS, «JLC» JSHS, «FýdMaster» JSHS, «MasloDel» JSHS, «Molochnaıa prodýksıa» JSHS, «Solnechnyı» zaýyty), konservilengen ónimder («Prıma Dıstrıbúshn» JSHS), et ónimderin qaıta óńdeýshiler («Bekker ı K» JSHS, «MPZ Bıjan»JSHS), jylyjaı kókónisteri («BRBAPK» JSHS).