Almatyda azyq-túlik dúkenine urlyqqa túsken azamat qamaýǵa alyndy.
QR QK-niń 188 baby 3 bóligi – zańsyz ený arqyly bótenniń múlkin jasyryn urlaý boıynsha qylmystyq quqyq buzýshylyqty jasady degen kúdikpen 40 jastaǵy A. esimdi azamat ustaldy, dep habarlaıdy Almaty-akshamy.kz Polisia.kz-ke silteme jasap.
«1-shi shaǵynaýdandaǵy úılerdiń birinde ornalasqan azyq-túlik dúkeniniń kasasynan 130 myń teńge urlanǵannan keıin qylmystyq is tirkeldi. Kúdikti ustaldy. Anyqtalǵandaı, kúdikti syrtqy esiktiń toryn qysý arqyly dúkenge kirip, aqshany urlap ketken. Ol qarajatty óz qajettilikterine jumsaǵan. Qazirgi ýaqytta tergeýmen qajetti tergeý áreketteri júrgizilip jatyr. Ustalǵan adamnyń jeke basy da buryn jasalǵan osyǵan uqsas basqa da qylmystarǵa qatysy bar-joǵyna tekserilip jatyr. Bultartpaý sharasy retinde qamaý tańdaldy», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Sondaı-aq polısıada, QR QPK-niń 201-baby men QR Konstıtýsıasynyń normalaryna sáıkes, qylmystyq istiń basqa da mán-jaılary jarıa etýge jatpaıtynyn habarlaıdy.