Úndistan astanasy Nú-Delıde 26 naýryzǵa deıin jalǵasatyn bokstan áıelder arasyndaǵy álem chempıonaty bastaldy, dep habarlaıdy Almaty-akshamy.kz inbusiness.kz-ke silteme jasap.
Búgin Qazaqstan atynan bir ǵana sportshy – Jazıra Oraqbaeva (52 keli) óner kórsetedi. Jazıra Taıvan ókili Chıa-Hsýn Chanmen judyryqtasady.
Jerlesimizdiń jekpe-jegi Astana ýaqytymen 14:30-da bastalatyn kúndizgi sesıada ótedi. Kezdesýdi tikeleı efırde Qazsport telearnasynan kórýge bolady.
Aıta keteıik, Qazaqstan sportshylary barlyq 12 salmaq dárejesinde óner kórsetedi:
Alýa Balqybekova (48 keli), Nazym Qyzaıbaı (50 keli), Jazıra Oraqbaeva (52 keli), Jaına Shekerbekova (54 keli), Karına Ibragımova (57 keli), Rımma Volosenko (60 keli), Aıda Ábikeeva (63 keli), Nadejda Rábes (66 keli), Mádına Nurshaeva (70 keli), Valentına Halzova (75 keli), Farıza Sholtaı (81 keli), Lázzat Kúngeıbaeva (+81 keli).