Almatyda dárígerler 86 jastaǵy áıeldí jańa tehnologıya kómegímen ayaǵyna tūrǵyzdy
Ortalyq qalalyq klınıkalyq auruhanaǵa 86 jasar áıel jambas moınynyń synyǵymen júgíndí. Auruhananyń travmatology Dáulet Chukmanov nauqasqa jambas buynyn jergílíktí túrde endoprotezdeu sekíldí kúrdelí operatsıya júrgízdí.
Jambas súıegíníń synuy - qart adamdar arasynda eń kóp taralǵan jaraqattyń bír túrí. Árí mūndaı kezde uaqytynda mamandandyrylǵan jaraqatty emdeu kómegí kórsetílmegen jaǵdaıda būl bólímge deıín ákeluí múmkín.
«Jasy úlken adamdarǵa mūndaı dıagnoz kóbínese mobıldíktíń joǵaluyna, synǵan jerdíń auyruyna, tósek tartyp jatyp qaluyna (operatsıya jasalmaǵan jaǵdaıda) jáne tıesílí túrde basqa da aurushańdyqtyń qosylyp asqynuyna ákeledí: bírínshí kezekte - írkílís pnevmonıyasy men teríníń oıyluy.
Operatsıya epıdurpldy anestezıyamen júrgízílíp, bír saǵattan astam uaqytqa sozyldy. Hırurgıyalyq tūrǵyda aralasu barysynda bíz jambastyń moıny men basyn jáne ūrshyqtyq oıysyn tolyǵymen auystyrdyq.
Operatsıyadan soń kelesí táulíkte patsıent barlyq úmítímízdí aqtap, óz betímen otyryp, tūryp jáne arbanyń kómegímen júre bastady. Kelesí kúní patsıentpen reabılıtolog dárígerler jūmys ísteı bastady. 7-kúní patsıent ambulatorlyq emdeluge shyqty. Árıne, ony ońaltudyń ekínshí satysy kútedí»,- deıdí maman.
Jambas buynyn endoprotezdeu búgíngí kúní ayaqtyń álí ketken qyzmetín qaıta qalpyna keltírudíń jalǵyz árí tıímdí tásílí bolyp tabylady. Mamannyń aıtuy boıynsha, zamanauı buyn endoprotezderí jasalatyn materıaldar adamnyń organızmíne tózímí joǵary jáne jaqsy ūlasady. Qyzmet etu merzímí ortasha eseppen 15-20 jyl, al kóptegen jaǵdaıda nauqas ony 30 jylǵa deıín qoldanady. Endoprotez eskírgen kezde ony jańasyna auystyrady.
Óz kezegínde nauqas medıtsına qyzmetkerleríne alǵysyn jaudyrdy.