Bul týraly Syrtqy ister mınıstrliginiń resmı ókili Aıbek Smadıarov aıtty.
Qazaqstan Ázirbaıjan men Armenıaǵa kelissóz alańyn usynady, dep habarlaıdy Almaty-akshamy.kz
Resmı ókildiń aıtýynsha, prezıdent Qasym-Jomart Toqaev Bakýge de, Erevanǵa da jasaǵan saparynda eki el arasynda berik, uzaq merzimdi beıbitshilikti tez arada ornatýdyń mańyzyn atap ótken. Osyǵan baılanysty Qazaqstannyń kelissóz ótkizý úshin alań usynýy eki memleketke kómekteskisi keletinin kórsetedi.
«Shynynda da osyndaı kelissózdi Almatyda ótkizý josparlanyp otyr. Biz Ázirbaıjan men Armenıadaǵy áriptesterimizben baılanystamyz. Aldaǵy kelissózder tek eki tarap arasynda júrgiziledi. Astananyń deldaldyǵy týraly sóz joq ekenin atap ótkim keledi. Biz tek Good office dep atalatyn izgi nıet qyzmetin kórsetemiz. Kólissózdiń ótetin kúni nemese basqa aqparat qosymsha habarlanady», - dedi Aıbek Smadıarov SİM-de ótken baspasóz máslıhatynda.
Resmı ókil kelissózdi ótkizýge búdjet qarjysy kóp jumsalmaıtynyn da atap ótti.
«Bul aýqymdy shara emes. Qazaqstan qandaı da bir shyǵyndy óteýi múmkin. Alaıda qos tarap mámilege kelip jatsa, onyń paıdasy tutas aımaqqa tıedi» - dedi ol.