Almatyda aqyly avtoturaqtarǵa saralanǵan tarıf engiziledi, - dep habarlaıdy Almaty-akshamy.kz Tengrinews.kz-ke silteme jasap. Bul týraly Ortalyq komýnıkasıalar qyzmetinde ótken brıfıńte oblys ákimi Erbolat Dosaev málim etti.
Ákim Almatyda resmı túrde 550 myń avtokólik tirkelgenin atap ótti. Kún saıyn qalaǵa qala syrtynan taǵy 250 myń kólik keledi.
«Byltyr Almaty avtoturaǵy bizge qaıtaryldy, 12 myń kólik turaǵy bar. Olardyń barlyǵy tek tarıhı ortalyqta ornalasqan. Bıyl Almatyda biryńǵaı avtoturaq qurý tujyrymdamasyn aıaqtap jatyrmyz. Biraq bul rette qalanyń barlyq segiz aýdanyn qamtyǵaly jatyrmyz. Almatyda tursańyz, baıqaǵan bolarsyzdar, kóshe boıynda únemi kólik jınalatyn oryndar bar, byraq bul turaq emes. Qala olardy zańdastyrmaq, tıisti ınfraqurylymdar jasamaq. Saralanǵan tólem júıesin engizemiz: ortalyqta bul búkil álemdegideı qymbatyraq, ortalyqtan alys jerlerde tarıf tómen bolady. Sondyqtan kúzde saralanǵan tarıfterdi engizemiz. Qyrkúıekke deıin bul jumysty aıaqtaımyz, sosyn máslıhatqa engizemiz», - dedi Dosaev.