Almatyda avtoturaq aımaqtaryndaǵy zańsyz salynǵan nysandar men jerdi zańsyz basyp alǵandardy anyqtaý jáne joıý jóninde júıeli jumys jalǵasyp otyr. «Almaty parkıng» KMK málimdegendeı, iri saýda ortalyqtarynyń avtoturaqtarynda saýda nysandary esh ruqsatsyz salynǵan.
Monıtorıń barysynda mundaı nysandarynda saýdanyń zańsyz júrgizilgeni, halyq kóp jınalatyn saýda oryndaryndaǵy avtoturaq nysandarynda adam ómirine qaýipti tóndiretin gaz balondarynyń bolǵandyǵy anyqtaldy. Al bul kólik turaǵy keńistigin paıdalaný shartyna qaıshy.
Mamandandyrylǵan aýdanaralyq ekonomıkalyq sottyń sheshimi negizinde «Adem» saýda ortalyǵynyń aldyndaǵy avtoturaqta ornalasqan 30 zańsyz qurylym buzyldy. Sondaı-aq, sot «Ialán» saýda ortalyǵynda osyǵan uqsas 37 saýda núktesin alyp tastaý týraly qaýly shyǵardy. Sot oryndaýshylary sheshimniń negizinde nysandy buzý jumystaryn bastady. «Almaty parkıng» KMK mundaı sharalar turaq aımaqtaryn zańsyz salynǵan nysandardan aryltyp, qaýipsizdikti kúsheıtetinin ári avtoturaq keńistigin retke keltiretinin túsindirdi. Bul qala turǵyndary men qonaqtaryna yńǵaıly.
Avtoturaqtardaǵy zańsyz saýda nysandardy anyqtaý jáne joıý jumystary jalǵasyp keledi, dedi «Almaty parkıng» KMK mamandary. Azamattar men bıznes ókilderi avtoturaqtardy paıdalaný erejesin qatań saqtaýǵa tıis.