Ūlttyq Miss Qazaqstan 2025 sūlulyq baıqauy bıyl erekshe formatta ótedí. Aqtyq kezeń Almaty metropolıtenínde, naqtyraq aıtqanda – Mūhtar Áuezov atyndaǵy stantsıyada ūıymdastyrylady. Būl turaly baıqau dırektory Aıjan Ruzaeva Óńírlík kommunıkatsıyalar qyzmetínde ótken baspasóz konferentsıyasynda málímdedí.
Onyń aıtuynsha, metro – qatynas qūraly ǵana emes, mádenı ózgeríster men urbanıstıkanyń nyshany. Sol sebeptí baıqaudyń bıylǵy taqyrybyn «Tańdau erkíndígí» dep qoıǵan.
«Almatynyń metrosy - mádenı alań da. Bíz baıqaudy halyqqa jaqyn etkímíz keledí. Arhıtektura men qalalyq atmosfera ayasynda ótetín fınal naǵyz este qalarlyq oqıǵa bolmaq», - dedí Aıjan Ruzaeva.
Bıylǵy Miss Qazaqstan shouy sūlulyq, sán, tehnologıya men qala atmosferasyn bíríktírmek. Ūıymdastyrushylar Mūhtar Áuezov atyndaǵy stantsıyany beker tańdamaǵanyn aıtady. Metro – túrlí oqıǵalar men taǵdyrlar da toǵysqan jer.
Spıkerlerdíń aıtuynsha, íríkteu 15 qalada ótíp jatyr. Qatysushylarǵa tek syrtqy sūlulyq emes, íshkí álemí, belsendílígí men kózqarasy boıynsha da talap qoıylady.
«Bízge jaı ǵana sūlu qyz emes, oıy tereń, shabyttandyra alatyn, qazírgí qazaq áıelíníń beınesín - erkín, batyl árí sanaly tūlǵasyn kórsete alatyn arular qajet», - dedí ūıymdastyrushylar.
Baıqaudyń PR-menedjerí Qūralaı Qūrman fınal ótetín orynnyń erekshelígíne de toqtaldy.
«Miss Qazaqstan baıqauyn sán sahnasy etíp qana qoımaı, árkím ózín kórsetetín, shabyt syılaıtyn erkín alańǵa aınaldyrǵymyz keledí. Sūlulyq degen – shekteu emes, adam óz oıyndaǵysyn ashyq aıtatyn úlken múmkíndík te ekenín de qoǵamǵa jetkízbekpíz», - deıdí ol.
Miss Qazaqstan 2025 baıqauynyń máresí jaı ǵana sán sharasy emes, naǵyz mádenı manıfest bolmaq. Kórkem sahna, tsıfrlyq tehnologıyalar, jandy muzyka men erekshe sáulet toǵysatyn būl oqıǵany qala tūrǵyndary da tamashalaı alady.