Ol óz qateligin birden moıyndady
Almatyda jolaýshylarmen birge avtobýsqa kirgen jylqynyń ıesi aıyppul arqalady, – dep habarlaıdy Almaty-akshamy.kz Polisia.kz-ke silteme jasap.
Eske salaıyq, bul derek áleýmettik jelilerge júrgizilgen monıtorıń nátıjesinde belgili boldy.
«Jedel-izdestirý is-sharalary barysynda bizdiń bólimsheniń tabıǵatty qorǵaý polısıasy bólimi №12 avtobýspen jylqysyn tasymaldap kele jatqan J. esimdi azamatty anyqtady. Ol óz qateligin birden moıyndady. Jylqy ıesi QR ÁQbK-niń 407-2 baby 1-bóliginiń 5-tarmaǵy (Qazaqstan Respýblıkasynyń asyl tuqymdy mal sharýashylyǵy týraly zańnamasyn buzý) boıynsha ákimshilik jaýapkershilikke tartylady. Osy rette onymen aldaǵy ýaqytta mundaı zań buzýshylyqtarǵa jol bermeý maqsatynda quqyqtyq túsindirý jumystary júrgizildi», – dedi Medeý aýdandyq Polısıa basqarmasynyń bastyǵy Dáýren Ótebaev.