Almatyda Abaı oblysy aýylsharýashylyǵy taýar óndirýshileriniń keńeıtilgen jármeńkesi ótýde, - dep habarlaıdy Almaty Aqshamy.
Jármeńke ótkizý dástúri sonaý Patsha Úkimetinen beri jalǵasýda. Onda taýar óndirýshiler óz ónimderin tutynýshyǵa satyp qana qoımaı óz jeke brendin qalyptastyrady. Ol sonymen qatar tek saýda ǵana emes, mádenı baılanys rólin de atqarady. Bizdiń tarıhymyzda ataqty Qoıandy, Qarqaraly sıaqty jármeńkeler bolǵan.
Bul dástúr ásem qala Almatyda jalǵasyn taýyp otyr. Mundaı is-sharalar jıi-jıi uıymdastyrylady. Ony uıymdastyrýda Almaty qalasy ákimdigi muryndyq bolyp keledi.
Bul joly Abaı oblysynyń kásipkerleri ózderiniń aýyl sharýashylyq ónimderi qalalyqtarǵa pash etti. Oǵan oblystyń 6 aýdanynyń, sonymen qatar, Semeı qalasynyń fermerleri qatysyp jatyr. Jármeńkede 40-tan astam ónim – et-sút, jemis-kókónis, shujyq ónimderi, ósimdik jáne janýar maılary jáne t.b. usynylady.
Búgin tańǵy saǵat 08:00-den keshki saǵat 17:00-ge deıin elimizdiń shyǵysynyń fermerleri ónimderimen eldi qýantty. Satyp alýshylar da barshylyq. Basym kópshiligi egde jastaǵy qalalyqtar. Sózderine qaraǵanda jaqyn jerdegi páterlerde turady.
Jármeńke erteń, ıaǵnı 24 qyrkúıekte jalǵasatynyn eskerte ketken jón. Ótetin orny sol baıaǵy Shoqan Ýálıhanov atyndaǵy alań. Qalalyqtarǵa yńǵaıly bolý úshin Shevchenko kóshesi boıymen, Qonaev kóshesinen Pýshkın kóshesine deıin jol jabyq.