2025 jyldyń 11–19 qazany aralyǵynda Almatyda tenısten ATP 250 sanatyndaǵy Almaty Open týrnıri ótedi.
ATP 250 týrnıri - bul álemniń 30 elinde ótetin kásibı erler tenısshileri arasyndaǵy jarystar sanatyna jatatyn bedeldi doda, dep habarlaıdy aqshamnews.kz.
UOK málimetinshe, bul sanatqa kiretin 40 týrnırdiń árqaısysynda jeńiske jetken sportshy ATP reıtıńinde 250 upaıǵa ıe bolady.
Almaty Open týrnıriniń júlde qory 1 mıllıon AQSH dollarynan asady.
Týrnırdiń tarıhy 2020 jyly Astanada bastaldy. Sol jyly jarys ATP 250 sanatynda alǵash ret ótkizildi. Al 2022 jyly bir rettik negizde onyń deńgeıi ATP 500-ge deıin kóterilip, jarysqa álemniń úzdik tenısshileri qatysty. Olardyń qatarynda Novak Djokovıch, Stefanos Sısıpas, Danııl Medvedev, Karlos Alkaras, Hýbert Hýrkach jáne Andreı Rýblóv boldy.
Ótken jylǵy chempıon Karen Hachanov bıyl óz ataǵyn qorǵaýǵa nıetti.
Qazirgi ýaqytta týrnırge bıletter satylymǵa shyqty.