1 qazanda Almatyda ataqty jattyqtyrýshy Lev Smoleevtiń 80 jyldyq mereıtoıyna arnalǵan sý dobynan iri týrnır bastalady.
Lev Smoleev - Qazaq KSR eńbek sińirgen jattyqtyrýshysy (1974), KSRO eńbek sińirgen jattyqtyrýshysy (1984 j.). Sý doby boıynsha balalar jattyqtyrýshysy bolǵan jyldar ishinde Lev Nıkolaevıch 1000-nan astam qazaqstandyq sý dobynan mamandardy tárbıeledi, olardyń kópshiligi keıinnen KSRO, Azıa chempıonattarynyń, Azıa oıyndarynyń júldegerleri men chempıondary, Olımpıada oıyndarynyń chempıondary men qatysýshylary atandy.
"Men bárimiz jınalyp, kezdesetinimizge qýanyshtymyn. Men baqytty ekenimdi aıtqym keledi, meniń keremet shákirtterim bar, bári de tamasha jigitter. Men muny árqashan aıtyp júremin. Ózim kishipeıil adammyn. Biraq, meniń qurmetime osyndaı týrnır ótkizý týraly sheshim qabyldaǵandaryńyzǵa kelgenderdiń barlyǵyna rahmet aıtqym keledi. Men ózim sý dobyna keshirek, 16 jasymda, keldim.
Fýtbol, basketbol oınadym, shańǵy da teptim, bári de qolymnan keldi. Alaıda, men sýǵa sekirgende, múldem sýǵa joq ekenime tań qaldym. Eshteńe de bilmedim. Sondyqtan bul sport túri qatty qyzyqtyryp eltip áketti. Nátıjesinde, oǵan degen súıispenshiligim artqany sonshalyq, 64 jyl osy salada boldym, ıaǵnı ómir boıy osynda júrmin.
Men ózimde bolmaǵan zattarǵa, ýaqytynda qolym jetpegen nárselerge balalardy jetkizýge, jetkinshekterge berýge tyrystym. Qolymnan kelgenniń bárin jasadym dep oılaımyn", - dedi Smoleev.
Jarysqa 12 jasóspirimder komandasy jáne tórt qurama ardagerleri qatysady: "Dınamo Alma-Ata", "Medeo Alma-Ata", "Astana Masters", "Astana Masters 2".
Týrnır Ortalyq júzý baseıninde (Almaty) ótedi.
Sportty damytýdaǵy eńbegi úshin Lev Smoleev Qazaq KSR Joǵarǵy Keńesiniń gramotasymen (1983), "Halyqtyq bilim berý úzdigi" belgisimen (1994), QR Tuńǵysh Prezıdenti Nursultan Nazarbaevtyń Alǵys hatymen (2001), "Eńbek ardageri" medalimen (2002), QR Ulttyq Olımpıada komıtetiniń ordenimen (2012), "Qurmet" ordenimen marapattalǵan (2019).
Qazaqstan Respýblıkasy Sý sporty federasıasynyń seriktesteri "Týrızm jáne sport ındýstrıasyn qoldaý qory" korporatıvtik qory, "Samuryq-Qazyna"aksıonerlik qoǵamy bolyp tabylady.