Bul týraly Ortalyq komýnıkasıalar qyzmetiniń alańynda ótken baspasóz máslıhatynda Eńbek jáne halyqty áleýmettik qorǵaý vıse-mınıstri Oljas Ordabaev málimdedi, dep habarlaıdy Almaty-akshamy.kz Baq.kz-ke silteme jasap.
«Reseıden kelgen azamattarǵa jekeleı jaǵdaı jasalmaıdy. Ol belgili jaǵdaı. Qazirgi kezde Reseıden kelip, Qazaqstanda júrgen 353 myń adam bar. Onyń 7 myńy ǵana Qazaqstanda jumys isteýge kelgen. Sol úshin olardyń (reseılikterdiń – red.) kelýi eńbek naryǵyna áser etpeıdi. Atap aıtqanda, reseılikterge eshqandaı jeke jaǵdaı jasalmaıdy», - dep atap ótti vıse-mınıstr Oljas Ordabaev.
Buǵan deıin Premer-mınıstrdiń orynbasary – Saýda jáne ıntegrasıa mınıstri Serik Jumanǵarın elge aǵylyp kelip jatqan reseılikter sananyń kóptigi azyq-túlik qaýipsizdigine qaýip tóndirmeıtinin aıtqan bolatyn. Bul másele boıynsha memlekettik jáne quqyq qorǵaý organdarymen jınalys ótkizgenin alǵa tartqan mınıstr óńirlerde úılespeýshilikter bolýy yqtımal degenimen, biraq qazir bul máselelerdiń pysyqtalyp jatqanyn jetkizdi.