Alataý aýdanyna qarasty Áıgerim yqshamaýdany men Áýezov aýdanynyń 3-shi yqshamaýdanynda sportshylar respýblıkalyq jáne halyqaralyq jarystarǵa daıyndalady. Astana kúni men QR Táýelsizdiginiń 30 jyldyǵyn merekeleý qarsańynda qalada jańa jekpe-jek ortalyǵy men "Boks álemi"sport kesheni ashyldy.
Almaty qalasynyń ákimi Baqytjan Saǵyntaev megapolısti "Shetsiz qala" qaǵıdaty boıynsha damytýǵa erekshe nazar aýdarady. Bul tarıhı ortalyq pen oǵan qosylǵan aýdandardy damytý. Sondyqtan Almatynyń jańa yqshamaýdandarynda áleýmettik mańyzy bar nysandar, sonyń ishinde sport mekemeleri salynýda. B. Saǵyntaevtyń aıtýynsha, ortalyq pen shalǵaı aýdandardyń barlyq turǵyndary joǵary ómir sapasyna qol jetkizýge teń múmkindikke ıe bolmaq.
Qazaqstan úshin aıtýly mereke qurmetine Almatynyń Alataý aýdanynda jekpe-jek ortalyǵy ashyldy. İs-shara sanıtarlyq-epıdemıologıalyq talaptardy saqtaı otyryp ótti. Oǵan aýdan ákimdiginiń ókilderi, ataqty sportshylar, aýdannyń qurmetti turǵyndary qatysty.
Almaty máslıhatynyń depýtaty Qaırat Qudaıbergen Áıgerim yqshamaýdanyndaǵy jekpe-jek ortalyǵy jattyǵý bazasyn qurýǵa jáne sportshylardy daıyndaýǵa jaǵdaı jasaýǵa múmkindik beretinin aıtty.
"Elbasy Qazaqstanda sportty damytýǵa erekshe mán beredi. Táýelsizdik alǵan kúnnen bastap Almatyda zamanaýı sport nysandary, sport zaldary, fıtnes ortalyqtar salynýda. Aýla klýbtary uıymdastyrylýda. Bul jyl saıyn sportpen shuǵyldanǵysy keletinderdiń kóbeıýine yqpal etedi. Endi munda balalar men jasóspirimderdiń ýaqytyn tıimdi ótkize alatyny qýantady", – dedi Q.Qudaıbergen.
Jekpe-jek ortalyǵyna birinshi dárejeli sanattaǵy jáne az qamtylǵan kóp balaly otbasydan shyqqan balalar qatysa alady. Munda qazaqsha kúres, sambo, jıý-jıtsý boıynsha sporttyq seksıalar ótedi.
"Ótken jyly aýdanymyzda 15 sport alańy, 6 fýtbol alańy men jattyǵý alańdary ashyldy. Bıyl Almaty qalasynyń ákimi Baqytjan Saǵyntaevtyń qoldaýymen bul jumys jalǵasyn tapty. 35 sport nysany ashyldy. Sonyń ishinde sport, vorkaýt alańdary, jekpe-jek ortalyǵy bar. Qala kúnine deıin birqatar basqa nysandar paıdalanýǵa beriledi", – dedi Alataý aýdany ákimdigi.
Áýezov aýdanynda ashylǵan "Boks álemi" sport kesheni qazaqstandyq boksshy, Olımpıada chempıony Bekzat Sattarhanovtyń esimimen atalady.
"Boks álemi" sport kesheni 3-shi shaǵynaýdanda ornalasqan jáne 2021-2025 jyldarǵa arnalǵan "Deni saý ult" ulttyq jobasy aıasynda ashylǵan. Munda shamamen 50 bala jattyǵatyn bolady. Az qamtylǵan ári kóp balaly otbasylardan shyqqan balalar úshin tegin seksıalar jumys isteıdi.
"Búgin bizde qos mereke - QR Táýelsizdiginiń 30 jyldyǵy men Astana kúni. Endi Áýezov aýdanynda bolashaq Olımpıada chempıondary jattyǵatyn taǵy bir oryn bar. Bizdiń aýdannyń boksshylary daıyndalatyn arnaıy bazaǵa ıe bola otyryp, eń úzdik kórsetkishterge jáne iri jarystarda jarqyn jeńisterge qol jetkize alady dep oılaımyn", – dedi aýdan ákimdigi.
Ortalyq dırektory B. Syrlybaev boks zaly barlyq zamanaýı talaptarǵa jaýap beretinin, sondaı-aq soqqylardy pysyqtaýǵa qajet barlyq qural-jabdyqtardyń bar ekenin atap ótti.