Halyqaralyq áýejaıda álem chempıony efreıtor Nurqoja Qaıpanovty Armıanyń ortalyq sport klýbynyń basshylyǵy, áriptesteri men dostary qarsy aldy.
Sportshy olımpıadalyq emes salmaq dárejesinde kúres túrleri boıynsha álem chempıonaty ótken Albanıadan ushyp keldi, onda ol áriptesi kishi serjant Jámılá Baqbergenovamen birge el namysyn qorǵady, dep habarlaıdy aqshamnews.kz Qorǵanys mınıstrligine silteme jasap.
Erkin kúresten Qazaqstan komandasy kóshbasshylarynyń biri efreıtor Nurqoja Qaıpanov 70 kelige deıingi salmaq dárejesinde chempıon atandy.
Qazaqstandyq balýan Nurqoja Qaıpanov Qyzylorda oblysy Aral qalasynyń týmasy. 2021 jyly AOSK rotasynda merzimdi áskerı qyzmet atqardy. Qazirgi ýaqytta Almatydaǵy Armıa ortalyq sport klýby fılıaly oqý-jattyqtyrý ortalyǵy shtattyq komandalardy daıarlaý bólimi erkin kúres komandasy bólimshesiniń sportshy-nusqaýshysy bolyp qyzmet etedi.
Qazir Nurqoja Qaıpanovtyń qorjynynda Azıa chempıonatynyń eki "altyny" jáne "kúmisi", álem chempıonatynyń "altyny" men "kúmisi" bar. Aıta keteıik, Nurqoja erkin kúresten qazaqstandyq ekinshi álem chempıony.
Kishi serjant Jámıla Baqbergenova 72 kelige deıingi salmaq dárejesinde altynǵa talasta Japonıadan kelgen sportshy Amı Ishııge ese jiberip, "kúmiske" ıe boldy. Bul sportshynyń kúresten álem chempıonattarynan alǵan tórtinshi medali.