Asa iri mólsherde esirtki kontrabandasynyń joly kesildi.
Bul qylmysty Qarjy monıtorıń agenttiginiń Almaty qalasy boıynsha departamenti qalanyń Avıasıalyq kólik prokýratýrasymen birlesip ashty, dep habarlaıdy Almaty-akshamy.kz. Egemen.kz-ke silteme jasap.
«Osy jyldyń 2 qazanynda Almaty qalasynda qyzmettik-izdestirý ıtiniń kómegimen jedel izdestirý is-sharalaryn júrgizý kezinde AQSH-tan poshta jóneltilimderin alǵannan keıin jalpy salmaǵy 648,98 gr «marıhýana», sondaı-aq jalpy salmaǵy 675,65 gr «gashısh» esirtki zattary tabylyp, tárkilengen Almaty qalasynyń turǵyndary ustaldy», - dedi vedomstvodan.
Atalǵan adamdar Telegram messendjeri arqyly Qazaqstan aýmaǵynda esirtki satýdy josparlaǵan. Tintý barysynda elektrondyq tarazylar men ólshep oraýǵa qajetti basqa da quraldar tabyldy.
Qazir tergeý júrgizilip jatyr, kúdikti ýaqytsha ustaý ızolátoryna qamaldy.
Ózge aqparat QR QPK 201-baby tártibinde tergeý múddesinde jarıa etilmeıdi.