Aqynnyń qurmetine memorıaldyq taqta ornatyldy
Almatyda memleket jáne qoǵam qaıratkeri, aqyn-jazýshy Sadyqbek Hangeldınniń qurmetine memorıaldyq taqta ornatyldy, dep habarlaıdy Almaty-akshamy.kz Almaty.tv-ge silteme jasap.
Eske alý is-sharasyna qaıratkerdiń otbasy men joldastary qatysyp, estelikterin bólisti. Aıta keteıik, ómirin shyǵarmashylyqqa arnaǵan Sadyqbek Moldashuly – 13 poezıalyq, 8 pýblısısıkalyq kitaptyń avtory. Onyń súbeli týyndylary elimizdiń BAQ men respýblıkalyq basylymdarda jarıalanyp turǵan.
«Sadyqbekpen 50 jyldan beri dospyn, joldaspyn. Áli de Sadyqbekti ylǵı eske alyp otyramyn. Kóp joldastary ómirden ketti. Biraq Sadyqbek búgingi kúnge deıin tiri adamdaı, qasymda júrgendeı sezinemin. Úıine qoıylǵan taqta «Jálel keldiń be, aman-esensiń be?» dep sálem berip turatyndaı»,– dedi saıası ǵylymdarynyń doktory, profesor Ábdijálel Bákir.